Munting Tula No. IV

Hukay dito hukay doon

(Buhay-Kabudero)

Kutkot dito kutkot doon

Hukay dito hukay doon,

Sige ... hukay pa;

Dahil wala dito

Ang gintong hanap mo

Mas maige yatang

Lumipat ng pwesto.

Bungkal dito bungkal doon

Habang lupa ang harap mo;

Sige bungkal pa.

Kung wala man dito

Ang isang "bahai" mo

Mas maganda yatang

Magbutas sa dulo.

'Wag mong intindihin

Ang tiwangwang na hukay

Walang sinabi 'yan sa kikitain mo,

Pagdating ng hapon

Sa hawak na ginto

Malilimutan mo

Ang utang at kalyo!

At kung malawak na

Ang iyong nahukay

At wala pa ring ginto

Sa iyong harapan

Maige pa kayang

Lumipat ng pwesto

Marami pang linang

Ang pwedeng sirain mo!

Andiyan ang Luklukan,

Sa Sur at sa Norte,

Sa may Nakalaya

Ang ginto dyan'y pwerte!

O di kaya naman

Sa Sta Elena, pwede

Ring hukayin

Ang dalawang Sta Rosa

Sikat na rin ngayon

Ang Sta Milagrosa.

Kutkot dito kutkot doon

Hukay dito hukay doon,

Bungkal dito bungkal doon

Habang may bukid sa mata mo

'Wag mong intindihin

Ang Meyor mong si Dong

Okay ka lang Manoy

Basta si Governong!

-Alfredo P Hoernandez

Port Moresby

Papua New Guinea

July 6, 3013